- Atez ateko sistema honen berri helburu partidista eta publizista oinarri, prentsaurreko batean ematea udalean eman ordez errespetu gutxiko ekintza dela uste dugu. Bestalde ordiziar guztioi iruzur egin zaigula eta oposizioan gaudenei gezurra esan zaigula salatu nahi dugu, gaia erabaki gabe zegoela esan zigutenean Diputazioan eskaera egiten hari zirelako. HAU EZ DA GARDENTASUNIK.!

- Ezker abertzaleak, edozein izaeratako gaietan, parte hartzeko prozesuak abiatu behar direla defendatu du beti, onartzen ez dituen erabakiak zapuzteko izan bada ere, eta, orain, berriz, atez ateko sistema hori modu autoritarioan inposatzea erabaki du.

- Atez atekoak ez dio konponbiderik ematen azken hondarrari, beti egongo baita azken hondar bat ezingo dena ez aurreikusi, ez birziklatu, ezta konpostatu ere.

- Atez atekoak, Bildu osatzen duen alderdi batek orain arte ezetsi duen sistemak, ez ditu saihestuko zabortegiak, ezta erraustegiak ere. Horregatik, ohartarazi behar da ezker abertzaleak, esan duen hitzetan, atez atekoarekin aurrera jarraitzeko erabakia hartzen badu, Gipuzkoako zabortegiak kolapsatu daitezkeela.

- Sistema aldatzeak Ordiziako Udaletxearen gastu arrunta modu garrantzitsuan haztea dakar. Atez ateko bilketak hirukoiztu dezake zabor-bilketaren gastua, bizi dugun krisia kontutan hartuta, Ordiziako familien poltsikoetan izan dezakeen eraginarekin.

- Ezker abertzalea ordiziarrak engainatzen ari da, ez baitu esaten, edo ezkutatu egiten baitu, erraustegia edo zabortegiak handitu/berriz zabaldu beharko direla. Oraingoz, dakigun bakarra da sistema horrekin fenomeno edo gertakari berria sortu dela “zabor turismoa” deritzona, eta fenomeno horri esker, esate baterako, Antzuolan, 2011an hiri-hondakinen %40a desagertu egin da, aldameneko herrietan banatuz. Hitz batez, arazoa konpontzen ez duen sistemaren inposaketa jasan behar dugu.

- Gipuzkoan, 2000tik 2010era bitartean, hiri-hondakinen bilketa selektiboa %17,4tik %43,31ra igo da. Datu horietan agerian gelditzen da, XXI.mendean sentiberatasuna eta heziketa izan behar direla birziklapenaren aldeko oinarriak, eta ez inposizioa – Bilduk nahi duen bezala –, eta orain arte egindako lana dela segitu beharreko bidea, Europako zabor-bilketarako eredu aurreratuenekin bat etorrita.

- Atez ateko sistemak bizilagunaren zakarrak gainbegiratu eta kuxkuseatzea dakar ondoren isunak jarri ahal izateko.
Laburbilduz, Bilduk bere zabor-bilketarako eredua inposatzeko ahaleginaren aurrean gaude. Errausketa saihesteko helburua erabiliz, etsi-etsian hartu duen estrategiaren lehen fasea da atez atekoa inposatzea, eredu osoa definitu gabe eta azaldu gabe.

Etsi-etsian ari da Bildu, gaurkoan absurdoa kudeatuz eta bihar, erremediorik jartzen ez bada, kaos hutsa.

EAJk ordiziarrenganako errespetua eta begirunea defendatu nahi du inongo alderdiren interes partidisten gainetik herriaren beharra eta nahiak bermatuz.

EAJ-PNVren EBBren presidenteak adierazi duenez “Euzko Alderdi Jeltzaleak ondo baloratzen du Nazioarteko Egiaztatze Batzordeak (NEB) orain arte egin duen lana, ETAk bere jarduera armatuaren behin betiko amaieraren inguruan egin duen iragarpena egiazkoa dela eta betetzen dela ziurtatzeko”.

Urkulluk azaldu duenez “Euzko Alderdi Jeltzaleari NEB taldeak garatutako lanaren zorroztasunak eta seriotasunak baketze prozesuaren atzeraezintasunarekiko dugun baikortasuna indartzen digu, koherentzia eta zentzua ematen baitiete EAJ-PNVk horren inguruan izan dituen informazio propioei”.

“Zuzeneko harremanen bidez ETAk etorkizunean terrorismo edo bortxakeriazko ekimenik egiteko asmorik ez duelako jaso den egiaztapenak” EBBren Presidentearen esanetan elikatzen du “adorez lan egiten jarraitzeko dugun borondatea, behin betiko bakeak ekar dezan Euskadirentzako elkartasun eta askatasun aukera berria”.

Zentzu honetan, Euzko Alderdi Jeltzaleak Nazioarteko Egiaztatze Batzordeko kideei adierazi die, esku artean duten lan horrekiko babesa, “gure artean izan diren azken hitzorduan lortu izan dutelako beren deiari erantzun dioten solaskide kopurua handitzea, ahal den denbora laburrenean, euskal talde politiko guztiek kudeaketa hau onartu eta bertan parte hartuko dutelako esperoan”.

Amaitzeko, Urkulluk adierazi duenez “EAJ-PNVk osoko borondatea adierazten du lankidetzan jarraitzeko eta Nazioarteko Egiaztatze Batzordearekin eta inpartzialki eta asmo onarekin Euskadin bake iraunkorra eraikitzeko lanari ekingo dioten eragile eta gizarte talde guztiekin urrats berriak emateko”.

Joseba Egibar

Markel Olano

Jeltzaleen batzarkide taldearen bozeramaileak Bilduri honakoa gogoratu dio: “Kutxen pisua lurraldeen arabera dago ezarrita – Bizkaiak %57, Gipuzkoak %32 eta Arabak %11 –; beraz, Gipuzkoak ez du indarrik galdu”. Halaber, Olanoren iritziz, PSEren jarrera erabat zinikoa da.

Kutxabank-eko Administrazio Kontseiluaren sorrerari buruz eztabaidatu da gaurko Batzar Nagusietako osoko bilkuran. Bertan, EAJ-PNV batzarkide taldearen bozeramaile Markel Olanok honakoa gogoratu du: “Bildu eta PSE alderdiek beto eskubidea ezarri nahi izan dute, 2005ean eta 2008an egin zuten bezala”. Olanoren ustez, “bi alderdiek arduragabekeria izugarria erakutsi dute, eta guk hori ez dugu sekula onartuko”.

Ildo beretik, Olanok azaldu duenez, “Kutxabank-eko Administrazio Kontseilua izendatzeko negoziazioan, EAJ-PNVk babestutako taldea 18 ordekarietatik 10era jeitsi zen. Bilduk kopuru hori onartzen zuen eta, gainera, beraien nahia beste taldeen presentzia murriztea zen, ahalik eta ordezkaritza gehien izateko. Ondorioz, akordiorik ez zen lortu eta, beraz, Kutxabank martxan ez jartzeko arriskua zegoen; hori ezin genuen onartu”.

Era berean, jeltzaleen bozeramaileak Bilduri honakoa gogoratu dio: “Kutxa bakoitzaren pisua lurraldeen araberakoa da; hots, Bizkaiak %57, Gipuzkoak %32 eta Arabak %11. Bilduk hori onartu zuen eta, horren arabera, gizarte ekintzetarako dirua banatzen da, eta behin betiko onartua dago. Beraz, Gipuzkoak ez du indarrik galdu”. Halaber, Olanok Bilduri eskatu dio, legitimitatea beraien interesen alde ezartzeari uzteko”.

Honenbestez, Olanok Bilduri segidakoa galdetu dio: “Zergatik Kutxabankentzat eskatzen duzuena ez duzue GHKrentzat, ur partzuergoarentzat edo beste foru erakunde publikoentzat eskatzen? Prest egongo zinatekete oposizioak gehiengoa izateko kontseilu horietan guztietan?”. Hala, jeltzaleen bozeramaileak Bilduri eskatu dio, jarrera koherentea izateko.

Bestalde, Markel Olanok alderdi sozialistaren jarrera salatu du, eta segidakoa esan du: “Ez dut sekula ikusi horrelako jarrera zinikorik. Izan ere, haien ustez, Kutxabankeko Administrazio Kontseiluaren ordezkaritzak ez du zerikusirik Euskal Autonomia Erkidegoko errealitatearekin. Nork esaten du hori eta, lehenengo indarra izan gabe eta naturaren aurkako itun baten bidez, Eusko Jaurlaritzan dagoen alderdiak”.

Pedro Azpiazu

Pedro Azpiazu Kongresuan Euzko Abertzaleak taldeko diputatuak baieztatu du EAJ-PNVk kontrako bozka emango diola aurrekontu, zerga eta finantza arloko premiazko neurrien Erret Lege-Dekretuari “argi baino, iluntasun gehiago ikusten ditugulako eta oraindik nola eta noiz irtengo garen ez dakigun atzeraldi ekonomiko sakonera eramango gaituztelakoan”.

“Gobernuak esan digunez, hauxe da hasieraren hasiera. Aurten Administrazio Publikoen defizit publikoa %4,4tan ezartzeko helburua bete nahi bada, Barne Produktu Gordinak %1eko beherakada jasoko du eta langabezia 5 milioi pertsonatara iritsiko da, hau da, bataz besteko %25era. Lana ikaragarri handia izan daiteke eta esango nuke ezinezkoa izango dela” gaineratu du diputatu jeltzaleak.

Azpiazuk Cristobal Montoro Ekonomia ministroari gogoratu dionez “duela hilabete batzuetara arte, zuek ez zeunden zergak igotzearen alde, jarduera ekonomikoa zigortzen zutelakoan. Baina orain inauskaia hartu eta zenbakiak koadratzen hasi zarete zergak igoz eta gastu publikoak murriztuz, azpiegiturakoak eta B+G+i alorrekoak ere, eta horiek funtsezko jotzen ditugu denok produktibitatea irabazteko eta ekonomia dinamizatzeko”.

“Era berean -esan du ordezkari jeltzaleak- Leopoldo Barreda diputatuari hainbatetan entzun diogu EAJ-PNVri leporatzen diola krisialdi ekonomikoaren ardura, PSOEri lagundu diolako BEZ zerga igotzen eta pentsioak izozten, azken hau egia ez dela jakin arren”.

“Barreda jauna, zer egin beharko zenukete orain, aurreko gobernuak gastu publikoa kontrolatzeko eta murrizteko neurririk hartu ez balu? Galdetu du Azpiazuk.

Pentsioen igoerari dagokionez, diputatu jeltzaleak azpimarratu duenez “pentsioen balizko igoera hau, amarrua baino ez da. Pentsioen igoera %1ean ezartzen da eta horrekin esaten dute pentsioak ez dituztela izozten. Jakin badakizue hori ez dela egia, pentsiodunek aurreko ekitaldian galdu zuten eros-ahalmena berreskuratzeko hartu zenuten konpromisoa betetzen ez duzuelako. Hori behin eta berriz errepikatu duzue, hori bai, hauteskunde kanpainan”.

Amaitzeko, kezkatuta agertu da “Gobernuak Autonomi Erkidegoetako kontuak kontrolatzeko xedez, ezkutuan edo agerian dituen asmoengatik. Ez dakigu zer esan nahi duten “a priori” aurrekontu kontrolaz ari direnean, aurrekontuen baimenaz ari direnean. Ez dakigu Autonomietako Parlamentuak ordezkatu edo baliogabetu nahi ote duten. Azenarioa baino, palua erabiliko ote duten, adostasuna baino, inposaketa”.

euskara

Abenduaren 3a Euskararen Nazioarteko Eguna dugu, Euskal hizkuntzaren unibertsaltasuna aldarrikatzeko eguna Ordiziako EAJ/PNVk ospakizun hau baliatu nahi du, gainera, eta bereziki, euskararen erabilera aldarrikatzeko. Guztiona den hizkuntza, gizarte kohesiorako giltza bilakatuz, aniztasunean oinarritutako herria eraikitzeko.

Euskara euskal gizartearen ondarea da, haren historiaren eta kulturaren osagarri ezinbestekoa. Baina, aldi berean, eta munduko gainerako hizkuntza guztiak bezala, eleaniztasuna ezaugarritzat duen gizadi osoaren ondare ere bada. Hizkuntzen dibertsitatea babestu nahi badugu, beharrezkoa dugu euskara babestu eta sustatzea.

Gipuzkoa lurralde euskalduna da, eta errealitate horri erantzun behar diogu erakundeok, lehentasunez. Bizi dugun garai honek ekarri behar ditu Euskal Herrira estuki lotuta, euskararen normalizazioa. Hortaz, Ordiziako EAJ/PNVk adierazten du, herritarron gogoa indartu, euskaraz bizitzeko jarrerak sustatu eta euskararen erabilera kalera eramateko, ekimenak babestu nahi ditugula egun honetan. Hain zuzen ere, errealitate horri erantzuten saiatuko gara erakunde honetatik, lehentasunez, insitituzioei arduraz jokatzea dagokigulako.

Euskarak garapen-historia luzea du, argi-ilunez josia. Hizkuntzaren aurre-historiaz, aldiz, ezer gutxi dakigu segurtasunez. Baina euskara, batez ere, hizkuntza modernoa dugu, gaurkoa eta gaurkotua, gure egungo gizarteak erabiltzen jarraitu nahi duena, eta, gizartearen alor guztietan, gero eta aitortza handiagoa jasotzen ari dena. Euskararen aldeko oinarrizko adostasunetik, 1982ko Normalizazio Legean islatu zen hartatik, itun berri bateranzko orainaldiko saioetara denbora tarte bat dago, ez oso handia, baina euskararen ezagutza eta erabileran aurrerapauso sendo eta ikusgarriak eman dira urte hauetan.

Munduan adibide gutxi aurkituko dituen indarberritze deigarri horrek ikuspegi ezberdinen arteko adostasunean du oinarri, adostasunik gabe ezinezkoa baita halako prozesu bat. Eta adostasuna lortzeko nahitaezkoak izaten dira guztien borondatea eta elkar aditzeko jarrera irekia.

Euskara nazioartean zabaldu eta kokatu behar dugu, hitz egiten den lurraldeetan eta haietatik kanpo, egungo mundu eleanitz honetan hizkuntzek geografiaren mugak erraz gainditu baititzake. Euskararen Nazioarteko Eguna ospatzean euskararen orainari eta etorkizunari leiho zabal bat irekitzen diegu, eleaniztasunak gure bizikidetzan eta gizarte-kohesioan izan dezakeen eragin onuragarriaz konbentziturik.

Euskal herritarrok euskaraz hitz egin dugulako bizi da euskara; eta aurrerantzean ere, herritarrok euskaraz bizi nahi dugulako biziko da euskara. Beraz dei egin nahi diegu herritarroi etxean, kalean, lanean, aisian eta edonon euskaraz bizi gaitezen.

Horregatik, Ordiziako EAJ/PNVk bat egiten du Euskararen Nazioarteko Egunarekin eta konpromisoa hartzen du euskara sendotzeko neurri malguak eta politika egokiak bultzatzeko. Aldi berean dei egiten die euskal herritar guztiei, bertan eta nazioartean euskara sustatzearen alde, gaur antolatzen diren ekitaldietan parte hartu dezaten.

Ordizia

Ezin zen beste modu batera izan, lehenengo arazo serioaren aurrean zer eta aurreko gobernu taldeari errua bota.Nola ez ba! EAko ordezkariek parte zuzena izatea gobernuko kide ziren heinean, erabiltzaileei eginiko inkesten emaitzak, kostuen murrizketak eta kudeaketa integralaren eredua beste udalerri askoetan -BILDUkoak barne- erabilia izatea, berdin zaie. Nor da nire ezintasunaren errudun? Beraien inguruan pixka bat begiratu eta iraganeko formulei jarraituz, erantzun erraza beraientzat: aurreko gobernu taldea! Eneee! Goazen gauzak argitzera:

GEZURRA da kontrol-ezarena.

Beraien ezintasuna justifikatu nahian esan dute kontrol falta izan dela bizi izan den egoerara eraman gaituena; ez dela kudeaketa kontrolatu.

Beraientzat kiroletako delegazioak eginiko jarraipen zorrotza, 2010eko auditoria txostenak eta memoriak ez dute ezer balio. Zerk du ba balioa?

Kudeaketa integralera jo genuenean helburu hauek finkatu genituen: Kosteak ez igotzea; Udalaren ekarpena gutxitzen joatea; eskainitako zerbitzua hobetzea eta kirol teknikari bat izatea kostu gehiagorik gabe.  Eta lortu da.

Adibide gisa: 2011ean kiroldegietako langileen lan hitzarmenak %20 igotzen ditu soldatak. Aldiz, udalaren ekarpena %6,76an igo zen. (370.000 € + B.E.Za 2010ean, eta 395.000 € + B.E.Za 2011ean).

GEZURRA da udal ekarpenarekin erraza dela kudeatzea.

Kudeaketa integralean diru sarrerak enpresarentzat dira, bai, baina baita ere gastu guztiak. Eta gainera diru sarrerak baldintzatuak egoten dira Udalak ezartzen dituen prezio publikoekin.

Batzuentzat ‘txoilo’ bat izango da, baina horrela izango balitz enpresa gehiago aurkeztuko zen lehiaketara eta ez bakarra, gertatu zen moduan, ezta?

Nola kudeatu dute egoera?

Maiatzaren amaieran ezagutu genuen egoeraren larritasuna. Gobernu berria jakin gainean ipini genuen, baita adierazi ere gaiak zuen premia. Ez diote jaramonik egiten.

Udal teknikariek aholkatzen dute serioski kontratuaren amaiera negoziatzea. Berriro ere, arduragabekeriaz jokatuz, kasurik ez dute egiten. Lau hilabete beranduago ohartzen dira, atzerapen horrek dakarzkin ondorioekin.

Jokabide hau: ezintasunagatik da?, utzikeriagatik?, edo, behar bada, aurreko gobernu taldearen lana itxusitzeagatik nahiz eta horrek herritarrak kaltetu? Ez al ziren oraingo gobernuko batzuek aurreko gobernu horren kide, ala?

Ezerk ez gaitu harritzen.

• Zergatik irailaren 5ean langileekin izan zuten batzarrean esan zuten kudeaketa Ordizian ona izan zela eta hurrengo eguneko herri batzarrean guztiz kontrakoa, azkenean aitortuz arazoa datorrela enpresak porrot egin duelako beste herri bateko kiroldegiko kudeaketan?
• Kudeaketa ereduaren analisia egitea ondo dago, zergatik ez, baina zergatik pertsona berri bat kontratatu Udal langileen artean eskarmentu dun pertsona bat dagoenean hori aurrera eraman ahal izateko? Beraien hitzetan ‘arazo ‘larri’ bati aurre egiteko, normala al da oraindik ikasten jarraitzen duen lizentziatu berri bat kontratatzea?
• “Kudeaketa”eredu berriak zer kostu izan behar du ordiziarrontzat?
• Zergatik zintzotasun eta gardentasunaren eredu izan nahi dutenak pertsona bat kontratatu dute ‘A DEDO’, haren meritua beraietako baten semea izatea besterik ez denean?
• Zergatik deitzen diote aholkulari, benetan teknikari baten lana burutzen ari denean inongo deialdi publikorik egin gabe? Noski, mozorrotu nahi izan dutelako beraietako bati lanpostu bat ematea enpresa publiko batean.
• Azkenik, hilabetea joan da behin behineko esleipen berria eman zenetik eta oraindik kontratua sinatu gabe daukate.

6 hilabete besterik ez gobernuan eta hau. Zer ikusi behar dugu 4 urteetan?

Patxi Lopez

1. Porque suponen una aplicación mimética de las medidas impulsadas por Zapatero (y ya hemos explicado por qué las rechazamos) cuando la situación vasca y la española no son comparables. La economía vasca está en unas condiciones mucho más favorables que la española porque cuenta con un modelo de crecimiento económico equilibrado frente al modelo español basado en el turismo y el ladrillo.

• Mientras la tasa de paro española es del 20% -dobla la media europea-, la vasca está en el 8,9%.
• Déficit público español al cierre de 2009 era del 11,2% del PIB mientras el vasco era del 4%
• Endeudamiento público al cierre de 2009 era del 60% del PIB mientras el vasco era el 3,8% del PIB.

2. Porque el Gobierno López no tiene credibilidad ya que dice una cosa y hace la contraria.

• Asegura que va a reducir el gasto e incrementar la inversión pero los datos del propio Ejecutivo demuestran que, durante el primer año de legislatura, ha hecho precisamente lo contrario.
• En el Presupuesto 2010, aprobado con los votos de PSE y PP, la inversión ha bajado un 11,4%, mientras suben los gastos de personal (3,7%), de funcionamiento de la Administración (2,6%) o el gasto corriente –subvenciones- (1%).
• Además, los Presupuestos 2010 parten con un ahorro negativo de 532 millones €, es decir, el gasto corriente es superior a los ingresos corrientes, y el enorme endeudamiento en el que está incurriendo lo está destinando en parte a financiar ese gasto corriente, cosa que el Estatuto de Gernika prohíbe.
• La ejecución presupuestaria a 30 de abril indica que López sigue reduciendo las inversiones, en 37 millones €, mientras que los gastos de funcionamiento y el gasto corriente han aumentado en 32 millones.